Attack The Block - Movie Review
لما كنت في ماليزيا كنت تقريبا كل يوم أدش فيلم بالسينما ..في مرة ما لقينا الا هالفيلم الزاضح بالصورة .. حزتها قلت هذا الفيلم اللي محد يدري عنه .. بس راح يكون قوي.. المهم أنا طول الفيلم كنت محكور ماني قادر أطلع منه .. من كثر ما مليت سويتلي فيلم انا بالبوب كورن.. الفيلم عبارة عن شباب يهجمون على وحده بالشارع بالليل و يبوقون جنطتها .. فجأة ينزل شي من السما على السيارة و يطلع كائن فضائي بس على شكل كلب و اول ما يعمله انه ياكل واحد من البشر .. يذبحونه الشلة بس مايدرون انهم ذبحوا انثى .. بعدين نفس الشي اللي طاح من السما أول مره يطيح منه ولكن بكمية كبيرة .. آخر الفيلم تفهم أن اللي انزلو ذكور يدورون على الانثى اللي اسبقتهم .. بس بصراحة الفيلم سيء سيء سيء .. الشي الوحيد اللي كان حلو فيه أنه كان في واحد من الشباب فيهم مفهي شوي ويقط قطات حلوه .. طبعا السينما كلها تضحك الا انا وصاحبي .. انا ودي احد منكم يشوفه ويقول لي اذا كان رايي صح في الفيلم هيهي انا تقييمي للفيلم والمفروض انه ماله تقييم أصلا : 10/1 واحد واحس اني زايده وايد